Cerita Si Yunus

Merky Worek

Merky Worek

YUNUS

Si Yunus si rẻi kimi’it em perẻnta ni OPO’ Empung

En endo mekasa, limila’la si OPO’ Empung wia si Yunus urag ni Amitai, tẻinti’I, “Yunus! maẻmou koo waki Ninewẻ, em wanua sela ni’itu, nẻiwongkẻni wo lila’ani sẻa kaa em waya eng kalẻwo’annẻa kete’uan-Kumou waya.”
Ta’an si so’o si Yunus, si timingkasitẻ waki Tarsis kaa si mewewa’akat wia si OPO’ Empung. Ni’itumou si Yunus si minaẻ waki Yafo, wo manamaẻ sia makaato kapal maaẻ waki Tarsis. Mẻi waẻrennala em perak, wo sia sumẻrẻtla witu eng kappa wo sumẻngkot mewali-wali wo sẻ tou witu eng kapal maẻ waki Tarsis, wo rior sia wa’akat wia si OPO Empung. Taan itumpami ni OPO’ Empung e reghes entẻ woe m walololongan sela witu en tasik, takar wẻitou makemu eng kappa iti’i. Sẻ mapa’ayang witu eng kapal sẻ kinẻidẻannou waya, wo sẻa mengẻrẻ-ngẻrẻt makisawang wia sẻ paopo’ennẻa. Wo itu ipatẻrẻknẻala witu en tasik em waya paali-alinnẻa, wo rior eng kapal mawurẻ wo rẻi ikatenem. En toro ni’itu, si Yunus waki kasa wawa’ eng kapal wo kinatekelan tuana eng kare’rep. Wo si kapitẻng kapal tumumpa maẻ waki wawa’ eng kapal wo sia kaloo’annala si Yunus wo sia wongkẻnala wo lila’anna, “Kumura kouman koo kinatekelentẻ re’rep? Tumo’orou. Wo maalẻila wia si po, po’ennu, samẻrot ta ikoupusnami takar kita rẻi matẻ”.
Witu en atas eng kapal, em waya sẻ mapa’aya-pa’ayang sẻ minaesaanola, “ẻi itu iondẻtala, wo rior itu kakete’uantala sẻi si sẻlok, takar e reghes woe m walolongan minamuali tuana eng kaentẻ”. Mondẻla sẻa, si Yunus si tinena. Toroitẻ ni’itu, wo sia wuiennẻa si Yunus, “Lila’mi wia nikẻi, sẻi rẻ’ẻn si kinapoonganni takar kita wẻitou macilaka? Sapa rẻ’n em pepa’ayangennu? Wisa rẻ’ẻn koo wo mẻi?. Wo sẻi rẻ’ẻn koo?”.
Mingkola si Yunus, “Niaku ku tou Iberani. Ku maẻman si OPO’ Empung, si Empung mana en Sorga. Sia si simiwo e lawanan wo en ataran”. Tumodongla ni’itu, wo itu isusuinala ni Yunus wia nisẻa, kumura sia timingkasi wia si OPO’ Empung. Makasusinala si Yunus, em waya nisẻa sẻ kasamou kinẻidẻan. Wo sẻa lumilala, “Ka’a koo rẻ’ẻn simiwo en tuana?” En toro ni’itu, e reghes woe m walolongan kasamou entẻ”. Wo wuiennẻala sumopu si Yunus, “ Sapamou en toro siwonẻi wia nikoo wo rior mena’mola e reghes wo em walolongan yẻ’i?” Wo mingkotla si Yunus, “Ilobo’mola niaku witu e lawanan, e reghes wo walolongan mapawẻẻ ku’a mena’. Kete’uankumou, kaa niaku tu’u si kinapoongan takar e reghes ampit em walongan minamuali tẻinti’i.”
Ma’an itu tuana, sẻ mapa’aya-pa’ayang witu eng kapal sẻ meinakut mawole wo rir eng kapal kayo en ataran. Ta’an sẻ rẻi makwoo, kaa e reghes wo em walolongan kasamou entẻ. Ni’itumou sẻa rumekẻi makiwẻẻ wia si OPO’ Empung, “OPO’ Empung tẻa ipewewaya kẻi matẻ kaa melelobo si tou yẻi. Sia si rẻi simiwo eng kasẻlokan sapa wia nikẻi. Ni’itumou, saa kẻi lumobo’ nisia tẻa ukumen kẻi. Kete’uannẻimou, oo OPO’ Empung, e reghes woe m walolongan yẻi minamuali kaa eng kepa’ar-U.
Tumodongla ni’itu, w sia ilobola’nẻala si Yunus witu e lawanan. Kellobo’nẻala nisia wo itu mena’la e reghes wo em walolongan it’i. Em waya sẻ map’aya-pa’ayang witu eng kapal iti’I sẻ minakaidẻ-idẻ’mola wia si OPO’ Empung ampit jumanji wia Nisia. En toroitẻ ni’itu, si OPO’ Empung rumẻo si sera’ wangko’ maẻ nume’nep si Yunus, wo si Yunus witu eng ghorem en tian ni sera’ wangko’ iti’I, telu ngaeno wo telu ngawengi kaurẻ.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: