Belajar Bahasa Tondano dari Injil

Merky Worek

Merky Worek

En ipi ni Yusuf en rei’ kepaa’ar nẻpatuarina

37 Si Yakob si maana’ waki Kanaan, witu em wanua pinaana’ani ni ama’na e rior. Tẻinti’I ku’a en sesusuien ni Yakob meurang:
Wawẻan si uang esa ni yakob si mekengaran Yusuf. Sia nu witu mapulu’ wo pitu nget’un, sia wo sẻ kaka’na minenaramou mapiara wo meyagha sẻ mẻmbẻ wo sẻ domba. Sẻ kaka’na iti’I, sẻ urang ni Yakob wia sẻ ampitna si Bilha wo si Zilpa. Si Yusuf mou ti’I si minaayola wia si ama’na em waya eng kalẻwo’an pineniwo-niwo nẻ kaka’na.
Witu en endo kinatoun ni Yusuf, si Yakob si tu’amou. Ni’itumou, en upusna wia si Yusuf limẻbẻẻla wia sẻ urangna walina. Mekasa, si Yakob si minakisiwola e labung weroi kasa wangun em pewewẻẻna wia si Yusuf. Mẻi loo’ola nẻ kaka’ni Yusuf en upus ni ama’nẻa limẻbẻẻla wia si Yusuf, sẻ mari’risou wia nisia, takar sẻ so’omou lumila’e lẻ’os wia nisia.
– Mekasa si Yusuf si minipi. En ipina iti’I isusuinala wia sẻ patuarina, “Lingannioupẻ’maẻ ipiku yẻ’i. En toro ni’itu em wayat waki uma, mema’ke-ma’kes em wulisna em gandum. Kalo’siti, eng gandum, kine’kesku tumo’ori minakaredẻi, wo eng ke’kesiou mẻi rumedẻimi wo lumẻdong eng ke’kesku, wo marungku-rungku’, maongkot witu eng gandum kine’kesku.” Lumingala en ipi ni’itu, minakari’risola sẻa wia nisia.
–° Wo sia wingkotennẻala, “Koomou rẻẻn, si mamuali rajamẻi? Koomou rẻ’ẻn koo matiro-tiro’ nikẻi?” Sẻ kaka’ni Yusuf sẻ minakari’risola wia nisia kaa en ipi w em waya lelila’anna ni’itu. Minipimou kasi si Yusuf, wo itu isusuinala kasi wia sẻ kaka’na, “Kuminipi kasi. Linoo’kula si ẻdo si sumendot, wo sẻ mapulu’ wo esa sumesena’ mẻi murungku-rungku’ wo masighi’ wia niaku.”
Tumodongla ni’itu, isusuinala kasi wia si ama’na wo sẻ kaka’na en ipina ni’itu. Wo sia lila’ala ni ama’na, “ En ipi sapa kasi ni’itu? Maan tu’una niaku nu ama’mu, si ina’mu wo sẻpatuarimu mẻi marungku-rungku’ wo masighi’ wia niko ka’ayo en tana’?”
Sẻ kaka’ ni Yusuf sẻ kadangkẻanou wia si Yusuf, ta’ana si ama’na kouman peghenang-genangen mokan en ipi ni’itu.

Terjemahannya, baca jo sandiri di Kejadian 37

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: